नेपाल र भारतसहितका देशहरुबाट जाने दक्ष कामदारको अमेरिका सपनामा ठेस लगाउँदै राष्ट्रपति ट्रम्पले एच-१बी विधेयक संसदमा पेश गरेका हुन् ।
राष्ट्रपतिमा निर्वाचित भएपछि ट्रम्पले उठाएको यो सबैभन्दा ठुलो कदम हो । यो विधेयकमा एच-१बी भिसामार्फत अमेरिका पस्नेहरुको न्यूनतम तलब दुई गुणा गरिएको छ।
यसअघि ६० हजार डलर रहेको न्यूनतम तलबको शर्त बढाएर ट्रम्पले १ लाख ३० हजार डलर बनाउने प्रस्ताव गरेका छन् । भारतीय र नेपाली दक्ष कामदारका लागि यो एकदमै निराशाजनक खबर हो ।
ट्रम्पको यो कदमको झट्का नेपालमा त परेको छ नै यसको सबैभन्दा कडा झट्का भारतीय आईटी कम्पनीहरुलाई परेको छ । यो विधेयक अमेरिकामा पेश हुँदा भारतीय सेयर बजारमा आईटी कम्पनीको मूल्य ओरालो लागेको छ ।
समाचार अनुसार एच-१बी भिसामार्फत नेपालबाट प्रत्येक वर्ष कम्तिमा पनि एक हजारजना नेपाली अमेरिका जाने गरेका थिए । सन् २०१५ मा यो भिसामार्फत नेपालबाट अमेरिका जानेको संख्या करिब साढे १२ सय रहेको छ।
एच-१बी भिसामार्फत अमेरिका पुग्ने विश्वभरका प्रतिभामध्ये करिब आधा त भारतकै रहेका छन् । (मोदीलाई ट्रम्पको फोन आउँदा दीपावली, अब सुरु भयो रुवाबासी)
अमेरिकी संसदको तल्लो सदन हाउस अफ रिप्रजेन्टेटिभमा पेश यस बिल पास भएमा अमेरिकी कम्पनीहरुमा विदेशी मूलका कर्मचारीको प्रवेश अत्यन्तै कठिन हुनेछ । यसको सबैभन्दा ठूलो असर भारतीय सफ्टवेयर उद्योगमा पर्ने भएको छ ।
द हाइ स्किल्ड इन्टेग्रेटी एन्ड फेयरनेस एक्ट २०१७ नामको यस विधेयक पास भएपछि विदेशी मूलका कामदारलाई वार्षिक एक लाख ३० हजार अमेरिकी डलर भन्दा माथि तलब दिन सक्ने कम्पनीले मात्रै ए-१बी भिसा दिने अनुमति मिल्नेछ ।
यस्ता कम्पनीले न्यूनतम तलबको श्रेणीलाई पनि समाप्त पार्नुपर्ने हु्न्छ । तलब दोब्बरले बढाउने प्रस्ताव लागू भएपछि एच-१बी भिसावाला कर्मचारीलाई जागिर दिने कम्पनीले भर्ना लिनुअघि जरुरी सहयोग प्रक्रियाबाट गुज्रन पनि पर्ने छैन ।
विधेयक पेश गर्ने सांसद जो लोफग्रेनका अनुसार यो विधेयक एच-१बी भिसा कार्यक्रममार्फत विश्वका सबैभन्दा उत्कृष्ट प्रतिभालाई अमेरिका ल्याउन सफल हुनेछ ।
लोफग्रेनले विधेयकले आफ्ना कर्मचारीलाई सबैभन्दा धेरै तलब दिने कम्पनीहरुलाई झन सजिलो बनाइदिएको जिकिर गरे ।
के हो एच-१बी भिसा ?
एच-१बी भिसा एक गैर-आप्रवासी भिसा हो जसमार्फत अमेरिकी कम्पनीले विदेशी दक्ष कामदारलाई आफ्नो कम्पनीमा राख्न सक्छन् । ए-१बी भिसामार्पत प्रविधि कम्पनीले हरेक वर्ष हजारौँ कर्मचारीलाई भर्ती गर्छन् ।
एच-१बी भिसा दक्ष कामदारहरुलाई दिने गरिन्छ । अर्कातिर एल१ भिसा कुनै कम्पनीका कर्मचारी अमेरिका सरुवा हुँदा दिने गरिन्छ । यी दुबै भिसा भारतीय कम्पनीले धेरै प्रयोग गर्दै आएका छन् ।
एक रिपोर्ट अनुसार करिब ८६ प्रतिशत भारतीयलाई एच-१बी भिसा कम्प्युटर र ४६.५ प्रतिशत इन्जिनियरिङ्ग पेशाकालाई दिने गरिन्छ ।
सन् २०१६ मा २ लाख ३६ हजार मानिसले एच-१बी भिसाका लागि निवेदन दिएका थिए । त्यसपछि डीभी लोट्रीबाट पनि भिसा दिइएको थियो ।
अमेरिकाले हरेक वर्ष ८५ हजार मानिसलाई एच-१बी भिसा दिने गरेको छ । यिनमा करिब २० हजारजना अमेरिकी विश्वविद्यालयमा मास्टर्स डिग्री गर्न जाने विद्यार्थीका लागि यो भिसा जारी गरिन्छ ।